სოციალური პროექტის ,,უარი ვთქვათ მავნე ჩვევებზე’’ გეგმა

სოციალური პროექტის ,,უარი ვთქვათ მავნე ჩვევებზე’’ გეგმა
სოციალური პროექტის ხელმძღვანელი
სახელი და გვარი	ნატო კელეპტრიშვილი
თანამდებობა	,,მე და საზოგადოება“-ის მასწავლებელი
რაიონი	მცხეთა
სკოლა	სსიპ ქსოვრისის საჯარო სკოლა
თემის დასახელება	უარი ვთქვათ მავნე ჩვევებზე
საფეხური/კლასი	დაწყებითი. მე-3,მე-4.
განხორციელების დრო	2კვირა
აზროვნების ზედა დონის უნარები	დაგეგმვა,ორგანიზება,კვლევა,თნამშრომლობა,კრიტიკული და შემოქმედებითი აზროვნება.
პრობლემა/პროექტის აქტუალურობა:               საზოგადოება,კერძოდ კი მოზარდები გაერკვნენ,რომ დღეს,გლობალური კატაკლიზმების პირობებში,მაშინ როდესაც უამრავი საფრთხე გვემუქრება,მწვავედ დგება ადამიანის არსებობის პრობლემა.ამ პრობლემებს აღრმავებს და ხელს უწყობს მავნე ჩვევები,რაც ჩვენს ქვეყანაში მწვავე პრობლემად დგას,რეალურ საშიშროებას უქმნის ჩვენს ერს.მათ შორის პრობლემად გვესახება - ნარკომანია.              მოზარდებმაც და მთლიანად საზოგადოებამ უნდა გაითავისონ,თუ როგორ უშლის მავნე ჩვევები ხელს იცხოვროს უსაფრთხოდ,იყოს ბედნიერი,წარმოიდგინოს საშიშროება იმისა,თუ რამდენად ხდება პიროვნება დამოკიდებული ნარკოტიკზე.მივიყვანოთ იმ დასკვნამდე,რომ დასაწყისშივე  უარი თქვას მავნე ჩვევებზე,უფრო მეტიც, ჩაერთოს მის წინააღდეგ გამართულ მოძრაობაში.მან უნდა შეძლოს წინააღდეგობა გაუწიოს იმ ხელშემწყობ ფაქტორებს,რომლებიც იწვევენ ამ მავნე ჩვევებზე დამოკიდებულების ჩამოყალიბებას.ჩვენი მცდელობაა,ჩვენს თანატოლებს გავუღვივოთ სურვილი უარი თქვან მავნე ჩვევებზე.ხელი შევუწყოთ მათ სულიერ,ფიზიკურ და მორალური განვითარების სწორად წარმართვას,რათა თავი იგრძნონ ჯანსაღი საზოგადოების სრულუფლებიან წევრებად.            შვეიცარიისა და სკანდინავიის ქვეყნებში ჩატარებული გამოკითხვით დადგინდა, რომ მათთვის,ვინც უარი თქვა ნარკოტიკების მოხმარებაზე,გადამწყვეტი მნიშვნელობა იქონია  ამ საშუალებების მავნებლობის გაცნობიერებამ.ისეთი ფაქტორები,როგორიც არის აკრძალვა მშობლების მხრიდან,დასჯის საფრთხე და მკაცრი სანქციები თავისი მნიშვნელობით თითქმის ბოლო ადგილზე აღმოჩნდა. პროექტის  მიზნები/შედეგები:    v  მოსწვლეებს გამოუმუშაოთ ინფორმაციის დამოუკიდებლად მოძიების,დახარისხებისა და ანალიზის უნარ-ჩვევები.      v  მოსწავლის მიერ დამუშავებული ინფორმაციის საფუძველზე პროდუქტის შექმნა(ბუკლეტი,პრეზენტაცია,პოსტერი).   v  მოსაწვლეები გააცნობიერებენ ადამიანის ჯანმრთელობაზე  ნარკოტიკის მოხმარებით გამოწვეულ ნეგატიურ შედეგებს.   v  მოზარდმა გაათვითცნობიეროს,თუ რა არის ჯანსაღი საზოგადოება და გაიაზროს,რომ აუცილებლად უნდა იყოს ჯანსაღი,როგორც ფიზიკურად,ისე სულიერად,რათა გახდეს ჯანსაღი საზოგადოების სრულუფლებიანი წევრი.   v  შეძლებენ თეორიული ცოდნის პრაქტიკაში გამოყენებას. 21-ე საუკუნის უნარ-ჩვევები კრიტიკული აზროვნება და პრობლემების გადაჭრა       ·         საღი მსჯელობა და აღქმა       ·         რთული არჩევანის გაკეთება და გადაწყვეტილებების მიღება       ·         სხვადასვა სისტემას შორის ურთიერთდამოკიდებულების გააზრება      ·         მიზნობრივი კითხვების ფორმულირება და დასმა სხვადასხვა მოსაზრების გასაცნობად უკეთესი გადაწყვეტილებების მისაღებად.      ·         ინფორმაციის კლასიფიკაცია,ანალიზი და სინთეზირება პრობლემების გადასაჭრელად კითხვებზე პასუხების გასაცემად. კომუნიკაცია და თანამშრომლობა      ·         იდეებისა და აზრების ნათლად და ეფექტურად გამოხატვა წერილობით თუ სიტყვიერი ფორმით.      ·         სხვადასხვა ჯგუფთან ეფექტური მუშაობის უნარის დემონსტრირება      ·         საერთო მიზნების მისაღწევად საჭირო კომპრომისისთვის მზადყოფნისა და მოქნილობის დემონსტრირება.      ·         პასუხისმგებლობების გაზიარება მუშაობის პროცესში. საინფორმაციო,მედია და ტექნოლოგიური უნარ-ჩვევები      ·         ინფორმაციის ეფექტურად და ეფექტიანად მოპოვება,კრიტიკული და კომტეტენტური შეფასება. ლიდერობა და პასუხისმგებლობა      ·         ჩართული მხარეების ძლიერი თვისებების/გამოყენება საერთო მიზნების მისაღწევად.      ·         ფართო საზოგადოების ინტერესების გათვალისწინება,პასუხისმგებლიანი მოქმედება. პროდუქტიულობა და ანგარიშვალდებულება      ·         მაღალი სტანდარტებისა და მიზნების განსაზღვრა და უზრუნველყოფა სამუშაოს ხარისხიანად და დროულად შესრულებისათვის.      ·         გულმოდგინებისა და პოზიტიური ეთიკის დემონსტრირება( მაგ:პუნქტუალობა და სანდოობა). პროექტის მდგრადობა        პროექტი მდგრადია,ვინაიდან იგი არსებობას გააგრძელებს დამთავრების შემდეგაც.ნარკომანია არის პრობლემა,რომლის შესახებაც მუდმივად უნდა ხდებოდეს საზოგადოების ინფორმირებულობა.საზოგადოება არ უნდა შეეგუოს ამ მავნე ჩვევების დამკვიდრებას ქვეყანაში,ყველა ღონე უნდა იხმაროს რომ როგორმე მინიმუმამდე მაინცდაიყვანოს ეს პრობლემა.ადამიანებმა ნარკოდამოკიდებულებთან ურთიერთობაზე არა თუ უარი უნდა განვაცხადოთ და ხელი ვკრათ მათ უფსკრულისკენ,არამედ დახმარების ხელი გაუწოდოთ და დავეხმაროთ რითიც და როგორც შეგვიძლია.ეს პროპაგანდა ეფექტურია ბავშობის ასაკიდანვე,სწორედ მაშინ,როცა მავნე ჩვევებისადმი მიდრეკილება აქტიურია.ჩვენს თანატოლებს გავუღვივებთ სურვილს უარი თქვან მავნე ჩვევებზე და იცხოვრონ ჯანსაღი ცხოვრების წესით.ამიტომ პროექტის ფარგლებში, მოხდება რჩევების მიცემა კლასის დამრიგებლებისათვის ამ თემაზე კლასის საათის ჩატარებისას შესაბამისი ფილმების ჩვენება/განხილვა.ვფიქრობ ამით ხელი შეეწყობა ინფორმირებული,სრულფასოვანი,მოქალაქეებისა და სამოქალაქო საზოგადოების ჩამოყალიბებას. თემის შინაარსი           სოციალური პროექტის განხორციელების პროცესში ვიყენებ ელექტრონულ ფოსტას gmail.com სკოლის გარეთ ურთიერთობისათის,რათა მოსწავლეებს გავუგზავნო ინტერნეტით მოძიებული მასალები,პრეზენტაციისა,ბუკლეტისა და პოსტერის მოსამზადებლად.ასევე მათგან უკუკავშირის მისაღებად.           ჩვენი პროექტი მრავალეტაპიანია: სკოლაში შევქმენით მუშა ჯგუფები.თითოეულ ჯგუფს დაევალა შესაბამისი დავალება(პოსტერი,პრეზენტაცია,ბუკლეტი, გამოკითხვა).მოსწვლეებთან ერთად განვიხილეთ ინტერნეტით მოძიებული მასალები და ვგეგმავთ გამოკითხვას მოსწავლეებში,მასწავლებლებში და მოსახლეობაში ნარკომანიის შესახებ ინფორმირებულობის დასადგენად. ამავე მიზეზით მოსწავლეები შეხვდნენ და ესაუბრნენ სოფელ ქსოვრისის საჯარო სკოლის  ექიმს ქალბატონ იას,რათა მოეპოვებინათ ინფორმაცია ნარკომანიასთან დაკავშირებულ პრობლემებზე.რას მიჰყავს ადამიანი ამ მძიმე მდგომარეობამდე და შეუძლია თუ არა მას თავი დააღწიოს ამ საშინელ სენს, რასაც დღეს ,,ავადმყოფობას’’ ეძახიან.ექიმის აზრით ბევრი ფაქტორი არსებობს,რამაც შეიძლება მიიყვანოს ადამიანი ამ მდგომარეობამდე.           კერძოდ,ადამიანის ცხოვრებაში დგება ჟამი, არჩევანისა როცა იგი თავად ირჩევს სად დადგეს.მიზეზი კი ბევრია.გარკვეული ყოფითი პირობები ,ეკონომიური თუ სულიერი სისუსტე და ა.შ.რეალობისგან გაქცევის სურვილი ყველა ჩვენგანისათვის ნაცნობია,მაგრამ ხშირად არ ვფიქრობთ იმაზე,რომ შესაძლოა ეს სურვილი პრობლემად იქცეს.ადამიანებს,რომლებსაც უჭირს გარემოსთან ან სირთულეებთან შეგუება, შიში ეუფლებათ არსებული სინამდვილის   წინაშე.სწორედ ეს შიში ბადებს სხვა რეალობაში გაქცევის სურვილს.            ექიმი- ნარკოლოგები ნარკომანიას ქრონიკულ დაავადებად მიიჩნევენ,რომელსაც თნ ახლავს რემისიების(ნათელი პერიოდები) და რეციდივების( გამწვავება)მონცვლეობა. ადამინი ნარკოტიკის ერთხელ გასინჯვის შემთხვევაშიც კი ხდება მასზე დამოკიდებული როგორც ფიზიკურად,ისე ფსიქოლოგიურად.მკურნალობა ძალზე რთულია,რაც გულისხმობს ნარკოტიკულ ნივთიერებებზე ფიზიკური დამოკიდებულებისაგან ანუ ,,ლომკის მოხსნას’’,ფსიქოლოგიური დამოკიდებულების დაძლევას და ფსიქო- სოციალურ რეაბილიტაციას.               იმის გასარკვევად, თუ რამდენად ხშირია ნარკოტიკის მოხმარების შემთხვევები სოფელ ქსოვრისში,სადაც ჩვენ ვცხოვრობთ და ზოგადად  მცხეთის  რაიონში, ჩვენ  შევხვდით და ვესაუბრეთ მცხეთის რაიონული სამმართველოს უბნის ინსპექტორ გამომძიებელს,უფროს ლეიტენანტ  ბატონ ზაზას მან გვიპასუხა რამდენიმე შეკითხვაზე ამ თემასთან დაკავშირებით: 1.რამდენად ხშირია ნარკოტიკის გამოყენების შემთხვევები, მცხეთაში და მცხეთის  რაიონის სოფლებში? პას: მსუბუქი ნარკოტიკის შემთხვევაში როგორიც არის ,,მარიხუანა’’ხშირია,თუმცა მცირეა ქიმიური ნივთიერებების სახის ნარკოტიკების გამოყენება. 2.რა სახის სასჯელი არის დაწესებული სახელმწიფოს მიერ ნარკო-მომხმარებლებზე? პას: მარიხუანის მოხმარება დასჯადი აღარ არის,თუმცა მისი ყიდვა-გაყიდვა ისჯება.ასევე კულტივაციაც ან ჯარიმით ან თავისუფლების აღკვეთით 1-დან 6 წლამდე ვადით.რაც შეეხება ქიმიურ ნივთიერებებს (ჰეროინს,კოკაინს და სხვა) ამ შემთხვევაში საქმე გვაქვს სასამართლოს გადაწყვეტილებასთან, იმის შესაბამისად თუ რა სიმძიმის არის დანაშაული.  3.რამდენად ხშირია ნარკოტიკებით ვაჭრობის შემთხვევები და ახდენს თუ არა პოლიცია სწრაფ რეაგირებას,რომ აღმოფხვრას ეს პრობლემა?  პას: საკმაოდ ხშირია,პოლიცია გაგებისთანავე ახდენს დანაშაულის შესაბამის რეაგირებას. ხდება ჩხრეკა,დამნაშავის საცხოვრებელ ბინაში,მის ტანსაცმელში და ალტარნატიულ სამალავებში.დანაშაულის გახსნის შემდგომ დამნაშავე გადაეცემა სასამართლოს.რაც შეეხება პრობლემის აღმოფხვრას კანონის გამკაცრებით და სწრაფი რეაგირებით ვცდილობთ. და ასევე ვახორციელებთ საეჭვო პირებზე დაკვირვებას 4.გაიხსენეთ თქვენი სამსახურებრივი მოვალეობის შესრულებისას რომელ წლებში დაფიქსირდა ნარკოტიკის შეძენა-შენახვა,მოხმარების ან გაყიდვის ყველაზე მეტი ფაქტი? პას: 2015-2016 წლებში მსუბუქი ნარკოტიკის,,მარიხუანის’’გამოყენების ყველაზე მეტი ფაქტი დაფიქსირდა.რაც შეეხაბა მძიმე ნარკოტიკის შეძენა-შენახვას კი ფიქსირდება 2014-2015 წლებში. 5.ყველაზე ხშირად, ფაქტებზე დაყრდნობით და სტატისტიკური მონაცემებით ნარკოტიკის მომხმარებლებიდან რამდენია კაცი და რამდენია ქალი? პას:მსუბუქი ნარკოტიკის შემთხვევაში 50% - 50%,ხოლო მძიმე ნარკოტიკი 80% მამაკაცი, ხოლო 20% ქალი.             მოძიებული მასალების და ჩემი დახმარებით ამზადებენ პროექტის პროდუქტებს.მოეწყობა პრეზენტაცია სკოლაში.     ·         მოსწვლეები ამ პროექტის ფარგლებში მოიძიებენ ინფორმაციებს ნარკოტიკული ნივთიერებების წარმოშობისა და გავრცელების შესახებ.     ·         გააცნობიერებენ ნარკოტიკის მოხმარებით გამოწვეულ ნეგატიურ შედეგებს.     ·         შექმნიან    კითხვარებს და ჩაატარებენ სოციოლოგიურ გამოკითხვას.     ·         დაამზადებენ ბროშურებს, ასევე გამოსცემენ პოსტერს და გააკრავენ თვალსაჩინო ადგილას,რათა დაარწმუნონ  თანატოლები რატომ არ უნდა მოიხმარონ ნარკოტიკი. პროექტის განხორციელების რისკები და შესაძლო ხელისშემშლელი ფაქტორები   ü  გამოკითხვის,ბუკლეტების დარიგების დღეს წვიმიანი ამინდი   ü  უარი გამოკითხვის ჩატარების დროს   ü  ტექნიკური პრობლემები( ინტერნეტკავშირის გათიშვა ან არარსებობა,ელექტროენერგიის გათიშვა და ა.შ.). შინაარსობრივი სტანდარტები და ინდიკატორები პრიორიტეტული  გამჭოლი  კომპეტენციები: ა)წიგნიერება.  თანამედროვე  გაგებით წიგნიერება არის ცვალებად კონტექსტში კითხვის,წერის,ინფორმაციის დამუშავების,იდეების და მოსაზრებების გამოთქმის,გადაწყვეტილებების მიღებისა და პრობლემის მოგვარების უნარი იმ ცოდნის საფუძველზე,რომელსაც ადამიანი მთელი ცხოვრების განმავლობაში იძენს. გ)ციფრული წიგნიერება (იგივეა, რაც კომპიუტერული წიგნიერება). თანამედროვე მსოფლიოში საკომუნიკაციო და ციფრული ტექნოლოგიების განვითრებამ წიგნიერების ცნება კიდევ უფრო გააფართოვა.იგივეს ამჟამად მოიცავს ქსელური ძიების,ტექსტების ელექტრონული დამუშავებისა და ტექსტური შეტყობინებების პროგრამების გამოყენების უნარსაც,რასაც მთლიანობაში ციფრული წიგნიერება ეწოდება.ინფორმაცუილი და საკომუნიკაციო ტექნოლოგიების გამოყენებახელს უწყობს შემოქმედებითი და ინოვაციური მიდგომების გამომუშავებას მოსწავლეებში. ი)სოციალური და სამოქალაქო კომპეტენცია.  სამოქალაქო და სოციალური კომპეტენცია გულისხმობს სამოქალაქო ცხოვრებაში ინტეგრაციისათვის აუცილებელი ისეთი უნარებისა და ღირებულებების ჩამოყალიბებას როგორიცაა:კონსტრუქციული თანამშრომლობა,პრობლემების მოგვარება,კრიტიკული და შემოქმედებითი აზროვნება.გადაწყვეტილების მიღება,შემწყნარებლობა,სხვისი უფებების პატივისცემა,დემიკრატიული პრინციპების აღიარება და სხვა.. მიმართულება: კვლევა და კომუნიკცია ის.ტექნ.VI.4. მოსწავეს შეუძლია  სხვადასხვა  სახის ციფრული საშუალებების შერჩევა და გამოყენება კომუნიკაციისათვის და თანამშრომლობისათვის.           შედეგი თვალსაჩინოა,თუ მოსწავლე:   ü  იყენებს საკომუნიკაციო საშუალებებს იდეების,ინფორმაციის და ციფრული მასალის გასავრცელებლად და მონაწილეობს ერთობლივ პროცესებში ციფრული მასალის შესაქმნელად.. სოციალური საჭიროებები   ü  მივცემ მითითებებს მასალების მოძიების,გამოკითხვის,ბუკლეტის,პოსტერის,პრეზენტაციის  მომზადების პერიოდში.   ü  მივაწვდი ბუკლეტის შაბლონებს შეფასების ინსტრუმენტების მოკლე მონახაზი             პროექტი იწყება გმოკითხვით და გონებრივი იერიშით,რომლის მიზანია მოსწავლეთა ინფორმირებულობის განსაზღვრა.მათი ინტერესის გაღვივება,მუშაობის წინ მოტივაციის ამაღლება. მოსწავლეთა აზროვნების ზედა დონის უნარ-ჩვევების პროექტის დასაწყისში ხელშეწყობის და მათ მიერ თემატიკის გაგების ხარისხის მონიტორინგისათვის გამოკითხვაც გამოიყენება.პროექტის დასაწყისში წარვადგენ ჯგუფური მუშაობის,თვითშეფასების და ურთიერთშეფასების რუბრიკას და პროექტზე მუშაობის რუბრიკას,რათა მოსწავლეებმა პროექტზე მუშაობის დაწყებმდე მიიღონ ინფორმაცია მათ მიმართ პროექტის მოლოდინების შესახებ და შეძლონ მუშაობის განმავლობაში თავიანთი პროგრესის კონტროლი.ასევე შეძლონ შეაფასონ თავიანთი წვლილი პროექტზე მუშაობის განმავლობაში,დადებითი და უარყოფითი მხარეების გამოვლენა კი დამეხმარება მე მომავალი პროექტების დაგეგმვა განხორციელებაში.მუშაობის პროცესში ,მოსწავლებს დავეხმარები საჭიროებისამებრ.შევაფასებ მათ პროგრესს და დავაკვალიანებ.წავახალისებ მოსწავლეებს გაუზიარონ უკუკავშირი ერთმანეთს პროექტის დასრულების შემდეგ.ბოლოს გამოვიყენებ პროექტის შეფასების კითხვარს და პროექტზე მუშაობის შეფასების რუბრიკას,რომელსაც ექნება განმვითარებელი შეფასების ხასიათი. ხელისშემშლელი ფაქტორები:უამინდობა, ელექტროენერგიის გათიშვა. საბაზისო  უნარ-ჩვევები              ü  ინტერნეტში მუშაობის უნარ-ჩვევები   ü  ტექნიკური უნარ-ჩვევები (Microsoft Office Word, Microsoft Office Power Point).   ü  ინტერნეტ რესურსების მოძიების უნარები  გამოყენებული  ტექნოლოგია - ტექნიკა   ü  კომპიუტერი   ü  ინტერნეტკავშირი  ü  პროექტორი   ü  საბეჭდი მანქანა/პრინტერი ინტერნეტრესურსები   ü  https://ka.wikipedia.org/wiki/ნარკომანია   ü  http://mastsavlebeli.ge/?p=1816

რეფლექსია

         2018-2019 სასწავლო წლის I სემესტრში დავგეგმე სოციალური პროექტის ,,უარი ვთქვათ მავნე ჩვევებზე’’ განხორციელება.პროექტის დაგეგმვის მიზანი იყო აგვემაღლებინა საზოგადოების ცნობიერების დონე ნარკომანიასთან დაკავშირებით.სამიზნე ჯგუფად შევარჩიე  III-IV კლასის მოსწავლეები. დამატებითი მუშაობის საინტერესოდ წარმართვისათვის ეფექტურია და მნიშვნელოვანია მოსწავლეთა ინტერესებისა და შესაძლებლობების დადგენა.ეს სამუშაოს წარმატების,მოსალოდნელი პრობლემის გადაჭრისა და ინიციატივის განხორციელების ერთ-ერთ წინაპირობად მიმაჩნია.

       პროექტის მიზანის გაცნობამ მოსწავლეებში დიდი ინტერესი გამოიწვია. განსაკურებით,ბოლო დროს გავრცელებული ინფორმაციების შემდეგ ნარკოტიკების ლეგალიზაციასთან დაკავშირებით.მოსწავლეებს გაუჩნდთ სურვილი აქტიურად ჩართულიყვნენ ამ პროექტში და მოეპოვებინათ უფრო მეტი ინფორმაცია ნარკოტიკების როგორც  დადებით,ასევე უარყოფით შედეგებზე. მოსწავლეების მაღალი მოტივაციიდან  გამომდინარე შევიმუშავე გეგმა,როგორ,და რა ვადებში,რა რესურსებით ვიმუშავებდი მათთან.პროექტი დავგეგმეთ და განვახორციელეთ ორი კვირის განმავლობაში (03.12.2018წ.- 14.12.2018წ.).შევიმუშავეთ ქცევის წესები,რომელთა დაცვა უზრუნველყოფდა მუშაობას.ვმუშაობდით გუნდურად,ჯგუფურად,ინდივიდუალურად.მოვიძიეთ რესურსები,დამხმარე ლიტერატურა და დავგეგმეთ როგორი აქტივობებით ჩავატარებდით თითოეულ შეხვედრას.

        მუშაობა მრავალეტაპიანი იყო:

ü  მოსწავლეებთან ერთად მოვახდინეთ ჯგუფების შექმნა.ჯგუფებმა გადაინაწილეს დავალებები. I ჯგუფმა მოამზადა ბუკლეტები,II ჯგუფმა პოსტერი,III  ჯგუფმა პრეზენტაცია,IV ჯგუფმა კი აწარმოა გამოკითხვა.

ü  მოსწავლეებთან ერთად მოვახდინეთ მოძიებული მასალის დახარისხება.დავგეგმეთ გამოკითხვის ჩატარების დღე როგორც მოსწავლეებში და მასწავლებლებში, ასევე მოსახლეობაში.

ü  მოსწავლეებმა ჩაატარეს გამოკითხვა,როგორც უბნის ექიმთან და პატრულ ინსპექტორთან  ასევე მოსხლეობაში.   მოძიებული მასალის  და ჩემი დახმარებით მოამზადეს პროექტის პროდუქტები,რომლებიც ეტაპობრივად განვათავსეთ ბლოგზე.

ü  14 დეკემბერს სკოლაში მოეწყო პრეზენტაცია აღნიშნულ თემასთან  დაკავშირებით. დაწყებითი კლასის მოსწავლეებში  კი მოეწყო სპორტული შეჯიბრებები სპორტის სხვადასხვა სახეობებში ჯანსაღი ცხოვრების წესის გააქტიურების მიზნით.პროექტზე მუშაობა წარიმართა ეროვნული სასწავლო  გეგმის და პრიორიტეტული გამჭოლი კომპეტენციების მოთხოვნის შესაბამისად.

            საინტერესო და შემოქმედებითი იყო შეხვედრები.გამოიკვეთა ძლიერი და სუსტი მხარეები.მასალის მრავალფეროვნების გამო წავაწყდით სირთულეებს.თუმცა, ინტერნეტი გვიწევდა ეფექტურ დახმარებას.სხვადასხვა ინტერნეტ რესურსი და ტექსტები საშუალებას გვაძლევდა პრობლემები სწრაფადვე დაგვეძლია.

               პროექტზე მუშაობის დროს მოსწავლეებმა ისწავლეს საინფორმაციო ბუკლეტის დამზადება, გაიწაფნენ Microsoft Pover Point  პროგრამის მეშვეობით პრეზენტაციის მომზადებაში.ინფორმაციის მოძიებასა და დახარისხებაში.დაგეგმილმა აქტივობებმა მოსწავლეებს აუმაღლა მოტივაცია,ინტერესი,გაუუმჯობესდათ დამოუკიდებელი მუშაობის,ჯგუფური,თანამშრომლობითი თუ წყვილებში მუშაობის უნარ-ჩვევები. გაუღრმავდათ კომუნიკაციის,მეგობრობის,გულშემატკივრობის თვისებები.განუვითარდათ კრიტიკული და შემოქმედებითი აზროვნების,გადაწყვეტილების მიღების,შემწყნარებლობის,სხვისი უფლებების პატივისცემის,დემოკრატიული პრინციპების აღიარების უნარები.ეს ყოველივე ხომ XXI საუკუნის ძირითადი უნარ-ჩვევებია,რომელთა გარეშეც მოსწავლეებს გაუჭირდებათ სოციუმში ადაპტირება.

         პროექტზე მუშაობის პერიოდში გამოვლინდა მცირეოდენი ხელისშემშლელი ფაქტორები.მაგ: გამოკითხვისთვის დაგეგმილ დღეს ძლიერი წვიმა და ქარი,რის გამოც მოგვიწია გამოკითხვა გადაგვეტანა მომდევნო დღეებში.პრეზენტაციის აწყობის დროს გაითიშა ელექტროენერგია.მუშაობის მსვლელობამ კიდევ ერთხელ დამაჯერა დამატებითი მუშაობის ეფექტურობაში.გაიზარდა მოსწავლეების ინტერესები და მოტივაცია.მიზნად დაისახეს მომავალში უკვე მიღებული გამოცდილებით და მეტი ცოდნით შექმნან უკეთესი პროდუქტი.ამასთან ციფრული ტექნოლოგიების გამოყენებამ მუშაობის პროცესი ბევრად დინამიური და მრავალფეროვანი გახადა.მუშაობის ასეთი ფორმა არის ინტერაქტიური და მოსწავლეებს საშუალება მისცა აქტიურად ჩართულიყვნენ მუშა პროცესში.

    საერთო ჯამში პროექტზე მუშაობას ვთვლი დამაკმაყოფილებლად.ვინაიდან,გაიზარდა ინფორმირებულობის დონე მოსწავლეებსა და საზოგადოებაში,რაც ხელს შეუწყობს ინფორმირებული,სრულფასოვანი მოქალაქეებისა და სამოქალაქო საზოგადოების ჩამოყალიბებას.

https://ninoberidzis.blogspot.com/2019/11/blog-post_29.html