პროექტის სახელწოდება ,,ვიცი, რომ აქ ხარ მამა“

სოფელ ქსოვრისის საჯარო სკოლის

პროექტის სახელწოდება

,,ვიცი, რომ აქ ხარ მამა“

სოციალური პროექტი

  

პროექტის ავტორი	ნინო ბერიძე
საკონტაქტო ინფორმაცია	591230092

ინფორმაცია სკოლის შესახებ

სკოლის დასახელება	სსიპ ქსოვრისის საჯარო სკოლა
მისამართი	მცხეთა-ქსოვრისი

პროექტის ბენეფიციარები

მეოთხე კლასის მოსწავლეები, მასწავლებელი, მშობლები

პროექტის განხორციელების ვადები:

15.04.2019 24.04.2019

შინაარსობრივი სტანდარტი და ინდიკატორები

ს.გ.4.2. მოსწავლეს შეუძლია მიმართოს სხვადასხვა მასალას, ტექნიკას და პროცედურას ნამუშევრის შექმნისას

სოციალური პროექტი

პროექტის სახელწოდება	,,ვიცი, რომ აქ ხარ, მამა“
პროექტის ავტორი	ნინო ბერიძე
პრობლემის ანალიზი	პროექტის ჩატარების იდეისაკენ მოსწავლეებმა მიბიძგეს, ზოგიერთი მამა ხშირად აკითხავდა თავის შვილს და ამით  აბედნიერებდნენ და სიამაყით ავსებდნენ პატარებს.  ისმოდა ფრაზა ,,დღეს მე მამიკო მომაკითხავს“ მაგრამ სამწუხაროდ არიან ბავშვები რომლებსაც ეს განცდა არ აქვთ. მოუცლელობა, არასწორი შეხედულება, რომ სკოლასთან ურთიერთობა მხოლოდ დედის მოვალეობაა, ხშირად მამებს შვილის აღზრდისაგან შორს ტოვებთ. პროექტის ჩატარება ამ თემაზე მნიშვნელოვნად ჩავთვალე რადგან მინდოდა მოსწავლეებს კვლევა ძიების საფუძველზე უკეთ გაეაზრებინათ მამაკაცის როლი დაფიქრებულიყვნენ რაოდენ დიდია მამის როლი მათი ცხოვრების წარმართვაში, პიროვნებად ჩამოყალიბებაში და გამოეხატათ მეტი პატივისცემა მამის მიმართ. პროექტის ფარგლებში მოიძიებენ ინფორმაციას ვიდეო მასალას მამისა და შვილების დამოკიდებულების შესახებ, გაარკვევენ და აღწერენ თუ რა როლი ეკისრება მას საზოგადოებაში, ოჯახში განსაზღვრავენ მამის როლს, შეხედავენ მამას სხვადასხვა კუთხიდან, შექმნიან კოლაჟებს, ბუკლეტებს.
პროექტის მიზანი:	ხელი შევუწყო მოსწავლეებში ინფორმაციის მოძიების კვლევა-ძიების დაკვირვების ანალიზის სოციალური უნარების განვითარებას, შემეცნებითი ინტერესის გაღვივებას, დავეხმარები რომ გადაუხდელი და შეუფასებელია მამის ამაგი. შევუქმნა მოტივაცია მამისადმი მზრუნველობით დამოკიდებულების გამოხატვის, დავაფიქრო როგორი ქცევით შეიძლება მამის გახარება. ზოგადი ეროვნული განათლების მიზნებიდან გამომდინარე ავუმაღლოთ სამოქალაქო ცნობიერება შედეგად თვითნაც შეექმნათ ხალისიანი განწყობა და მამებიც გაახარონ პროექტის ფარგლებში თავიანთი ნამუშევრებით.
პროექტის ამოცანები	ურთიერთთანამშრომლობა. ინფორმაციის მოძიება, ინფორმაციული ტექნოლოგიის გამოყენების უნარ-ჩვევები. პლაკატების ბუკლეტების და ბარათების შექმნა.
მოსალოდნელი შედეგები	მოსწავლეები შეძლებენ განსაზღვრონ: მამის როლი შვილის ცხოვრებაში. იმსჯელონ ამ თემაზე, მოაწყონ დისკუსია შეავსონ ასოციაციური რუკა, გაუზიარონ ერთმანეთს საკუთარი შეხედულებები. დაასაბუთონ რომ მამას გაფრთხილება სჭირდება ისტის გამოყენებით მოიძიონ რესურსები და გააკეთონ პრეზენტაცია. დაამზადონ ბუკლეტები. გამოუმუშავდეთ ახალი უნარები: აიმაღლონ სამოქალაქო ცნობიერება რათა აღიზარდონ გულისხმიერი და ღირსეული მოქალაქეები.
მიზნობრივი ჯგუფები	მეოთხე კლასის მოსწავლეები, მასწავლებლები, მშობლები
ამოცანების განსახორციელებელი საჭირო საქმიანობები და ვადები.	ინფორმაციის მოძიება. პირველ ეტაპზე მოსწავლეებთან ერთად დავსახავ პროექტის სამუშაო გეგმას, გონებრივი იერიშის გამოყენებით მოსწავლეები გაიხსენებენ სიტყვას რომელიც მამას უკავშირდება. ნახავენ ვიდეო მასალას მამებისა და შვილების ურთიერთობის შესახებ. შემდეგ წიგნების ჟურნალების და ინტერნეტ სივრცის დახმარებით მოიძიებენ ინფორმაციებს და იმუშავებენ მათ დახარისხებაზე. თითოეულ ჯგუფს ექნება თვისი დავალება და საკვლევი საკითხი. პირველ;ი ჯგუფი: იძიებს მასალას მამა-შვილურ სიყვარულზე მეორე ჯგუფი: უცნაურ მამებზე მესამე ჯგუფი: როცა მამა პატარა იყო. დრო: 15,04,2019-18,04,2019 ვიდეო მასალის დამუშაავება.: მეორე ეტაპზე შთბეჭდილებების საფუძველზე გამართავენ დისკუსიას, გააკეთებენ დასკვნას, გაიხსენებენ თავიანთ ცხოვრებიდან საინტერესო შემთხვევებს მამა შვილური ურთიერთობებისნ შესახებ. საპრეზენტაციო რესურსის დამზადება: მოსწავლეები შექმნიან ფოტო კოლაჟს მამა და მე. ჯგუფებში იმუშავებენ პლაკატებზე გააკეთებენ ბუკლეტებს. ინტერვიუს ჩამოართმევენ მამებს კითხვების დახმარებით: როდის მომაკითხავ სკოლაში? გაიცნობ ჩემი კლასელების მამებს? როდის გავისეირნებთ ერთად? დრო: 19.04.2019-23.04.2019 მესამე ეტაპი: შევაჯამეთ პროექტის ფარგლებში შესრულებული აქტივობები მოწვეულ მამებთან ერთად. მოსწავლეებმა ინფორმაციის საფუძველზე დაასკვნეს რომ უნდა გაუფრთხილდნენ იამაყონ და დააფასონ მამები. ბავშვების მიერ შექმნილი ფოტო კოლაჟით დიდი სიამოვნება მიანიჭეს მამებს უჩვენეს პლაკატები სურვილებითა და სტიკერებით სავსე განსაკუთრებული სიყვარულის გამოსახატავად. 24.04.2019

რესურსები

ბუკი, პროექტორი. თაბახის ფურცლები, სტიკერები, ფორმატები, ფერადი ფანქრები, წებო მაკრატელი.

რეფლექსია

2019 წლის 15 აპრილიდან 24 აპრილის ჩათვლით განვახორციელე სოციალური პროექტი სახელწოდებით ,,ვიცი რომ აქ ხარ მამა“

ჩემს სადამრიგებლო კლასში პროექტის აქტივობები იმიტომ განვახორციელე რომ გამოიკვეთა პრობლემა: ზოგიერთი მამა ხშირად აკითხავდა თავის შვილს და ამით  აბედნიერებდნენ და სიამაყით ავსებდნენ პატარებს.  ისმოდა ფრაზა ,,დღეს მე მამიკო მომაკითხავს“ მაგრამ სამწუხაროდ არიან ბავშვები რომლებსაც ეს განცდა არ აქვთ. მოუცლელობა, არასწორი შეხედულება, რომ სკოლასთან ურთიერთობა მხოლოდ დედის მოვალეობაა, ხშირად მამებს შვილის აღზრდისაგან შორს ტოვებთ.

პროექტის ჩატარება ამ თემაზე მნიშვნელოვნად ჩავთვალე რადგან მინდოდა მოსწავლეებს კვლევა ძიების საფუძველზე უკეთ გაეაზრებინათ მამაკაცის როლი დაფიქრებულიყვნენ რაოდენ დიდია მამის როლი მათი ცხოვრების წარმართვაში, პიროვნებად ჩამოყალიბებაში და გამოეხატათ მეტი პატივისცემა მამის მიმართ.

ამ პრობლემიდან გამომდინარე წინასწარ დავსახე მიზნები და გავწერე სამუშაო გეგმა. შევარჩიე ასაკის შესაბამისი აქტივობები და რესურსები, ჩემს მიერ დასახული ყველა აქტივობა განვახორციელე. აქტივობების დამატება, მოდიფიცირება არ მომხდარა. პროექტზე მუშაობის პერიოდში ყველაზე მეტად გამოიკვეთა გუნდური მუშაობის პრინციპი, მოსწავლეები სერიოზულად მოეკიდნენ ჯგუფისათვის განკუთვნილ სამუშაოს და ურთიერთ თანამშრომლობით შეძლეს დავალების სრულყოფა. ყველა მოსწავლე გააქტიურდა გამოიკვეთა თანამშრომლობა და ურთიერთთანადგომა, რაც გუნდური მუშაობის პრინციპმა განაპირობა.

პროექტზე მუშაობამ მოსწავლეებს განუვითარა კომუნიკაციის , კვლევა-ძიების , ანალიზის, შემოქმედებითი აზროვნების, ესთეტიკური გემოვნების და პრეზენტაციის უნარები. ტექნოლოგიების გამოყენება მეტად მიმზიდველი გახადა ძიების პროცესი. მათი მოტივაცია და ინტერესი გააძლიერა.

მომავალში მსგავს პროექტზე მუშაობისას გავითვალისწინებ რომ მამების ჩართულობა გაგრძელდეს სასკოლო ცხოვრებაში, ამისათვის  დავგეგმავ სხვა აქტივობებსაც.

პროექტის ხელმძღვანელი: ნინო ბერიძე

https://ninoberidzis.blogspot.com/2019/11/blog-post_8.html

პროექტის სახელწოდება ,,მეც მაქვს ზღაპრების წიგნი“

გთავაზობთ მცხეთის მუნიციპალიტეტის სოფელ ქსოვრისის საჯარო სკოლის

პროექტის სახელწოდება

,,მეც მაქვს ზღაპრების წიგნი“

სოციალურ პროექტს

  

განხორციელებაზე პასუხისმგებელი პირის სახელი და გვარი	ნინო ბერიძე
საკონტაქტო ინფორმაცია	591230092

სკოლის დასახელება	სსიპ სოფელ ქსოვრისის საჯარო სკოლია
მისამართი	მცხეთის რაიონი სოფ. ქსოვრისი

დრო                                 18.10.2018-13.11.2018

პროექტში მონაწილენი

მესამე კლასის მოსწავლეები, მასწავლებელი, მშობლები.

შინაარსობრივი სტანდარტი და ინდიკატორები

ს.გ.III.I. მოსწავლეს შეუძლია დააკავშიროს ხელოვნების ნაწარმოების შინაარსი საკუთარ გამოცდილებასთან.

პრობლემის ანალიზი	სადამრიგებლო კლასში შევნიშნე, რომ ერთ-ერთ მოსწავლეს სოციალური მდგომარეობის გამო არ ჰქონდა საბავშვო ზღაპრები და როდესაც თანატოლები სხვადასხვა ზღაპრის გმირებზე საუბრობდნენ, ის გულდაწყვეტილი იყო. ბავშვებთან და მშობლებთან ერთად გადავწყვიტეთ მისი საბავშვო ბიბლიოთეკა გაგვემდიდრებინა ფერადი და დასურათებული წიგნებით ეს აუმაღლებდა მას თვითშეფასებას და სოციუმში უფრო ბედნიერად იგრძნობდა თავს.  რადგანაც ვზრუნავთ გარემოზე, ამისათვის ჩემს სადამრიგებლო კლასში,  დიდ ყუთებში, ყოველთვის ვაგროვებთ მაკულატურას და შევთანხმდით  გაგვეცვლა საბავშვო ზღაპრების წიგნებზე. სურვილი გაგვიჩნდა, შეძენილი წიგნებიდან შეგვერჩია ერთ-ერთი ზღაპარი ,,კომბლე“, შემდეგ  დაგვეხატა და გამოგვეძერწა ამ ზღაპრის გმირები.  მეათე კლასის მოსწავლე მაკა ბუჩუკურის დახმარებით კი, რომელიც გამარჯვებულია ანიმაციური ფილმების კონკურსში. შეგვექმნა ანიმაცია ,,კომბლე“ მესამეკლასელების  ნახატებითა და გახმოვანებით.
პროექტის მიზანი	ხელი შევუწყო მოსწავლეებში კვლევა-ძიების სოციალური უნარების შემეცნებითი ინტერესის გაღვივებას, შევუქმნა მოტივაცია მეგობრისადმი მზრუნველობითი  დამოკიდებულების გამოხატვის, დავაფიქრო როგორი ქცევით შეიძლება თანატოლის გახარება. ზოგადი ეროვნული განათლების მიზნებიდან გამომდინარე ავუმაღლოთ სამოქალაქო ცნობიერება, ყველა გაახარონ თავიანთი ნამუშევრებით.
პროექტის ამოცანები	ურთიერთთანამშრომლობა. ინფორმაციის მოძიება, ინფორმაციული ტექნოლოგიის გამოყენების უნარ-ჩვევები. უფროსკლასელის დახმარებით ანიმაციის შექმნა.
მოსალოდნელი შედეგები	მოსწავლეები შეძლებენ განსაზღვრონ: მეგობრის როლი, იმსჯელონ თემაზე საყვარელი ზღაპრის გმირების მაგალითებით. გაუზიარონ ერთმანეთს საკუთარი შეხედულებები. დაასაბუთონ რომ ყველას ჭირდება განსაკუთრებული ზრუნვა და გაფრთხილება.
მიზნობრივი ჯგუფები	მესამე კლასის მოსწავლეები, მასწავლებელი, მშობლები, მეათე კლასელი მოსწავლე.
ამოცანების განსახორციელებელი საჭირო საქმიანობები და ვადები.	ინფორმაციის მოძიება. დრო. 18.10.-25.10 პირველ ეტაპზე მოსწავლეებთან ერთად დავსახავ პროექტის სამუშაო გეგმას, გონებრივი იერიშის გამოყენებით მოსწავლეები გაიხსენებენ სიტყვებს რომელიც ზღაპარს უკავშირდება. მეორე ეტაპი დრო. 26,10-02.11 ჩვენს მიერ შეგროვილი მაკულატურით შევიძინეთ ზღაპრების წიგნები. ბავშვებმა სიხარულით გადასცეს თანაკლასელს ნანატრი ზღაპრის წიგნები. დავიწყეთ ზღაპრ ,,კომბლე“-ეს პერსონაჟების გამოძერწვა და დახატვა სპექტაკლისათვის მზადება. მესამე ეტაპი. დრო: 5.11-12.11 კვირის ბოლოს დავდგით სპექტაკლი „კომბლე“ დასკვნით ეტაპი. დრო: 13.11.2019
რესურსები.	პლასტელინი. ფანქრები, წებო, თაბახის ფურცლები. ფოტოაპარატი, ბუკი

 რეფლექსია

         2018 წლის 18 ოქტომბრიდან 13 ნოემბრის ჩათვლით განვახორციელე სოციალური პროექტი სახელწოდებით ,,მეც მაქვს ზღაპრების წიგნი“

სწავლის პროცესში შევნიშნე, რომ ერთ-ერთი მოსწავლე, როდესაც ბავშვები სხვადასხვა ზღაპრების გმირებზე საუბრობდნენ, გულდაწყვეტილი ჩანდა, გულჩათხრობილი ხდებოდა და არ ერთვებოდა ბავშვებთან საუბარში. შევეცადე დამედგინა რა იყო მოსწავლის ასეთი ქცევის მიზეზი. დავადგინეთ, რომ მოსწავლეს არ ჰქონდა მისი ასაკისთვის შესაფერისი ბიბლიოთეკა, არ იცნობდა ზღაპრებს, ვინაიდან არ ჰქონდა წაკითხვის შესაძლებლობა. ამიტომ საკლასო საზოგადოებამ ერთხმად გადავწყვიტეთ მისი საბავშვო ბიბლიოთეკა შეგვევსო. რადგანაც ჩემ მოსწავლეებს ხშირად ვასწავლი გარემოზე ზრუნვას, და ხშირად ვზრუნავთ კიდეც სხვადასხვა აქტივობებით, ჩემ სადამრიგებლო კლასში დავდგით დიდ ყუთები. ამ ყუთებში გადავწყვიტეთ შეგვეგროვებინა მაკულატურა და გაგვეცვალა საბავშვო ზღაპრების წიგნებზე. ვინაიდან მშობლები აქტიურად ჩაერთნენ აღნიშნულ საქველმოქმედო ღონისძიებაში, მალევე გაჩნდა იდეა, შეძენილი წიგნებიდან შეგვერჩია ერთ-ერთი ზღაპარი,   დაგვეხატა და გამოგვეძერწა ამ ზღაპრის გმირები და დაგვედგა სპექტაკლი. ამისათვის შევარჩიეთ ქართული ზღაპარი „კომბლე“, გამოვძერწეთ ფიგურები, დავხატეთ და მეათე კლასის მოსწავლის მაკა ბუჩუკურის დახმარებით.  დავდგით კიდეც სპექტაკლი „კომბლე“. გახმოვანებაც ჩემი მოსწავლეების იყო.

 ამ პრობლემებიდან გამომდინარე წინასწარ დავსახე მიზნები და  გავწერე სამუშაო გეგმა.  შევარჩიე ასაკის შესაბამისი აქტივობები და რესურსები. ჩემ მიერ დასახული ყველა აქტივობა განვახორციელე, აქტივობების დამატება, ან მოდიფიცირება არ მომხდარა. პროექტზე მუშაობის პერიოდში ყველაზე მეტად გამოიკვეთა ურთიერთ თანამშრომლობითი უნარი და ამით შეძლეს დავალების სრულყოფა. ყველა მოსწავლე გააქტიურდა. აგრეთვე გამოიკვეთა თანამშრომლობა და ემპათია. ბავშვები განსაკუთრებული ენთუზიაზმით ჩაებნენ როგორც მეგობრის დახმარების, ისე მათივე მონაწილეობით სპექტაკლის დადგმის პროცესში. თავად პროცესმა დიდი აქტიურობა და ჩართულობა გამოიწვია ბავშვებშიც და მშობლებშიც.

პროექტზე მუშაობამ მოსწავლეებს განუვითარა კომუნიკაციის, კვლევა-ძიების,  ანალიზის, შემოქმედებითი აზროვნების, ესთეტიკური გემოვნების ჩამოყალიბებისა და პრეზენტაციის უნარები. ტექნოლოგიების გამოყენებამ მეტად მიმზიდველი გახადა ძიების პროცესი.  მათი მოტივაცია  და ინტერესი გააძლიერა მეათე კლასის მოსწავლის მაკა ბუჩუკურის ჩართულობამ.

პროექტს მოჰყვა დადებითი გამოხმაურება. ამას მოწმობს ის ფაქტიც, რომ ჩვენს მიერ დადგმულმა სპექტაკლმა თანატოლებში დიდი მოწონება დაიმსახურა.

მომავალში გავითვალისწინებ, რომ  პრობლემის აღმოჩენა ბავშვებმა თავად შეძლონ და თავადვე დაგეგმონ განსახორციელებელი სოციალური აქტივობები. ამასთან გაითვალისწინონ და თუნდაც ჩემი დახმარებით განახორციელონ მსგავსი პროექტები.

    პროექტის ხელმძღვანელი: ნინო ბერიძე

https://ninoberidzis.blogspot.com/2019/11/blog-post_63.html

პროექტის სახელწოდება ,,მეც მტკივა“

სოფელ ქსოვრისის საჯარო სკოლა

პროექტის სახელწოდება

,,მეც მტკივა“

სოციალური პროექტი

  

განხორციელებაზე პასუხისმგებელი პირის სახელი და გვარი	ნინო ბერიძე
საკონტაქტო ინფორმაცია	591230092

სკოლის დასახელება	სსიპ ქსოვრისის საჯარო სკოლა
მისამართი	მცხეთა-ქსოვრისი

პოექტში მონაწილენი

მესამე კლასის მოსწავლეები, მასწავლებელი, მშობლები.

პროექტის განხორციელების ვადები

19.11.2018  26.11.2018

შინაარსობრივი სტანდარტი და ინდიკატორები

ბუნ.III.I.მოსწავლეს შეუძლია გააცნობიეროს შეგრძნების ორგანოების მნიშვნელობა გარემოს აღქმაში.

                

პროექტის მიზანი:	მოსწავლეებში სოციალური და  ემპათიის უნარების განვითარება, თანამშრომლობის უნარის გაძლიერება. შეძლონ გააანალიზონ სიკეთის, ემპათიის,   კარგად განვითარებული თანამშრომლობის უნარი,როგორც ნებისმიერ საქმიანობაში წარმატების მნიშვნელოვანი განმაპირობებელი ფაქტორი, - ბავშვების მიერ კარგი საქმეების კეთებიდან განცდილი კმაყოფილების შეგრძნებისა და თვითშეფასების ამაღლება.
ამოცანები:	1.      ჯანსაღი, სოციალურ-ემოციურად განვითარებული პიროვნების აღზრდა; 2.      მოსწავლეებში შინაური ცხოველებისადმი მზრუნველობითი დამოკიდებულების ჩამოყალიბება და მათი მნიშვნელობის გაცნობიერება; 3.      ცხოველის სხეულის ძირითადი ნაწილების აღწერა, მათი თვალსაჩინოებაზე ამოცნობა და დასახელება, აზრის გამოთქმა მათი ფუნქციის შესახებ; 4.      პირადი ჰიგიენის და უსაფრთხო ქცევის ძირითადი წესების დაცვა ცხოველებთან ურთიერთობისას; 5.      მოსწავლეთა მოტივაციის ამაღლება; 6.      ეფექტური პრეზენტაციის მომზადება; 7.       ეფექტიანი თამნამშრომლობის კულტურის დამკვიდრება.
პროექტის მსვლელობა	დრო: 19.11.2018-26.11.2018 პროექტის აქტივობები დავგეგმე მოსწავლეების ინტერესიდან გამომდინარე. შევნიშნე რომ ჩემი მოსწავლეები საუბრობდნენ სოციალურ ქსელში ატვირთულ ძალადობრივ ვიდეო რგოლზე- ძაღლზე და  მოძალადე ბავშვზე. დავინტერესდი ამ პრობლემით, რადგან ბავშვები აქტიურად განიხილავდნენ ცხოველებზე ძალადობის თემას და თან არ გამოხატავდნენ თანაგრძნობას. პროექტზე მუშაობისას შევარჩიე ასაკის შესაბამისი აქტივობები და რესურსები. დავგეგმე ჯგუფური სამუშაო პლასტელინით გამოეძერწათ მათთვის საყვარელი ცხოველები და დაეხატათ. აგრეთვე დავგეგმე ექსკურსია თბილისის ზოოპარკში. და მოვიწვიე მოსწავლის დავით შალიკაშვილის მშობელი რომელიც კომპეტენტურია ცხოველთა დაცვის თვალსაზრისით.

პროექტის დასაბუთება:	პროექტი დაეხმარება, კარგი საქმეების კეთებით  დაინტერესებულ მოსწავლეებს, პრობლემასთან დაკავშირებით საკუთარი ინტერესების, შესაძლებლობების, უნარების გაცნობიერებასა და განვითარებაში; შეფასების უნარ-ჩვევების გამომუშავებაში,  იდეებისა და აზრის ნათლად და ეფექტურად გამოხატვაში, წერილობითი თუ სიტყვიერი ფორმით;  მსგავსი პროექტები  მოსწავლეებს განუვითარებს ეთიკურ ქცევისა და ემპათიის უნარებს, ჩამოუყალიბებს  შინაური ცხოველებისადმი მზრუნველობით დამოკიდებულებას  და გააცნობიერებენ ადამიანისათვის მათ მნიშვნელობას. პროექტი მნიშვნელოვნად შეუწყობს ხელს ცხოველების მიმართ მზრუნველობითი დამოკიდებულების პოპულარიზაციას თანატოლებში.
დაგეგმილი აქტივობები:	* იხილეთ დანართი
მოსალოდნელი შედეგები:	აღნიშნული პროექტით მოსწავლეები შეძლებენ შეისწავლონ : Ø  მოსწავლეებს გამოუმუშავდებათ კვლევის, ანალიზისა და შეფასების უნარ_ჩვევები; Ø  შეითვისებენ  სხვადასხვა ჯგუფური ურთიერთობის უნარ-ჩვევებს; Ø  ისწავლიან დაგეგმონ, შეასრულონ და გააკონტროლონ აქტივობები; Ø  გაიღრმავებენ პრობლემის დანახვისა და გადაჭრის გზების ძიების ცოდნას; Ø  აიმაღლებენ სოციალურ ცნობიერებას .

სოციალური პროექტის   რეფლექსია

2018 წლის 19 ნოემბრიდან 26 ნოემბრის ჩათვლით განვახორციელე სოციალური პროექტი სახელწოდებით ,,მეც მტკივა“  პროექტის შექმნის იდეა  მცირეწლოვანი ბავშვების მიერ ძაღლების წამების გახშირებულმა ფაქტმა განაპირობა.  წინარე ცოდნა, სოციალური უნარებიც, როგორიცაა თავდაჯერებულობა, თვითშეფასება, მოტივაცია. ამიტომ აქტივობების შერჩევისას გავითვალისწინე მოსწავლეების სოციალური და ემოციური განვითარების დონე. მათ გავაცანი ინფორმაცია, რომელიც მცირეწლოვანი ბავშვების მიერ ძაღლის წამების ფაქტს ეხება; ფსიქოლოგები ცხოველებისადმი ცუდ მოპყრობას ანტისოციალური ქცევის საგანგაშო ნიშნად და სხვა ძალადობრივი ქცევების წინასწარ განსაზღვრულად მიიჩნევენ ბავშვობიდანვე უნდა მოხდეს ამ აგრესიული ქცევის განეიტრალება, რადგან რაც უფრო იზრდება ადამიანი, მით უფრო რთული ხდება ამ პრობლემის მოგვარება. არ უნდა დავხუჭოთ თვალები ბავშვის მიერ ცხოველის წვალებაზე, ნუ ვიტყვით რომ ჯერ პატარაა და არ ესმის. პროექტის დასაწყისში ვაჩვენე მულტფილმი ,,პლუტო: გამოვიყენე გონებრივი იერიშის მეთოდი ბავშვებმა                                                       დაბავ    გაიაზრეს, რომ ძაღლებიც ცოცხალი არსებები არიან და მათ დახმარება  სჭირდებათ.      შეავსეს ცოდნის შეფასების  ცხრილი - „ ვიცი, მინდა ვიცოდე, ვისწავლე“.      შემდეგ ეტაპზე   ჯგუფებმა წარმოადგინეს საინტერესო ინფორმაციები და ისაუბრეს ცხოველებთან ურთიერთობის შესახებ.  დაკვირვების შედეგების წარმოდგენისას გამოიყენეს „ვენის დიაგრამა“  ძაღლისა და კატის მაგალითზე.  მოსწავლეები მივიდნენ იმ დასკვნამდე, რომ ყველაზე ძვირფასი საჩუქარი -  ურთიერთობაა. ძაღლები - სოციალური, კონტაქტური არსებები არიან, რომელთაც ადამიანებთან ურთიერთობა აკლიათ. საჭიროა თუ არა, რომ ცოცხალი არსების მიმართ გამოვხატოთ ზრუნვა და სიყვარული? რა სჭირდებათ ცხოველებს გადარჩენისათვის? რატომ არის საჭირო ცხოველთა თავშესაფრები? როგორ ზრუნავს მასზე ადამიანი? როგორ გამოხატავენ ერთგულებას ძაღლები ადამიანის მიმართ?          ამ და კიდევ ბევრ სხვა კითხვაზე  მოსწავლეებმა პასუხი დავით შალიკაშვილის მშობლისგან მიიღეს.   ზოოპარკში ვეტერინართან ვიზიტისას მოსწავლეებმა მიიღეს ინფორმაცია ცხოველებთან ურთიერთობისას  პირადი ჰიგიენისა და უსაფრთხო ქცევის  ძირითადი წესების დაცვის შესახებ; მოისმინეს პასუხი კითხვაზე :            რა დაავადების გადამტანია მაწანწალა ძაღლი? მშობლების დახმარებით    ბუნაგი დაამზადეს უპატრონო ძაღლისთვის და სკოლასთან  ახლომდებარე პარკში    დადგეს.  სიკეთე მართლაც გადამდებია :  პროექტმა მნიშვნელოვნად შეუწყო ხელი პოპულარიზაციას  არა მარტო თანატოლებში, არამედ  ადგილობრივ  მაცხოვრებლებშიც. ისინი დღესაც საკვებით ამარაგებენ პატარების   ზრუნვის ობიექტს.                      აქტივობები წარიმართა  გეგმის  შესაბამისად. მოდიფიცირება არ მომხდარა,  მიზნები მიღწეულია. შენიშვნები, რა თქმა უნდა, მაქვს, რადგან მოსწავლეები ჯერ მხოლოდ  პირველ ნაბიჯებს დგამენ. თუმცა, დარწმუნებული ვარ, ხარვეზების გამოსწორებასაც შეძლებენ.  დადებითი მხარეები ბევრად ჭარბობდა უარყოფითს. მთავარი ის არის, რომ პროექტი დაეხმარა პრობლემასთან დაკავშირებით საკუთარი ინტერესების, შესაძლებლობების, უნარების გაცნობიერებასა და განვითარებაში, კვლევის, ანალიზის და შეფასების უნარ-ჩვევების გამომუშავებაში.    მსგავს პროექტზე მუშაობისას მომავალში გავითვალისწინებ, რომ ასეთ მძიმე თემაზე მუშაობისას კარგი იქნებოდა ფსიქოლოგის ჩართულობა.                                        პროექტის ხელმძღვანელი:ნინო ბერიძე